Shërbimet e Drejtorisë Vendore të Kufirit dhe Migracionit Korçë kanë intensifikuar kontrollet përgjatë vijës kufitare, me qëllim parandalimin e lëvizjeve të paligjshme dhe garantimin e sigurisë kufitare.
Si rezultat i kontrolleve të ushtruara nga shërbimet e Kufirit të Gjelbër të Stacioneve të Policisë Kufitare Qafë Thanë dhe Kapshticë, janë kapur 4 shtetas që tentonin të kalonin kufirin në kundërshtim me ligjin. Konkretisht bëhet fjalë për:
- D. H., 47 vjeç, banues në Librazhd;
- M. R., 31 vjeç, banues në fshatin Vashë, Peqin;
- R. K., 20 vjeç, banues në fshatin Trestenik, Devoll;
- F. Sh., 48 vjeç, banues në fshatin Trestenik, Devoll.
Pas përfundimit të veprimeve procedurale, materialet u referuan në Prokurori dhe ndaj secilit prej këtyre shtetasve nisi procedimi penal në gjendje të lirë, për veprën penale “Kalimi i paligjshëm i kufirit shtetëror”.
Materialet procedurale iu referuan Prokurorisë pranë Gjykatës së Shkallës së Parë të Juridiksionit të Përgjithshëm Korçë, për veprime të mëtejshme ligjore.
