Mbledhja e sotme e Grupit Parlamentar të Partisë Socialiste, që u mbajt para nisjes së seancës plenare, u shoqërua edhe me debate.
Mësohet se debati u zhvillua mes socialistit Bledi Çuçi, burri i dytë i gruas së tretë të Ramës, Dalina Ficos, dhe ministrit të Drejtësisë, Toni Gogu.
Sipas të dhënave të raportuara nga “Newsbomb”, debati ka filluar pasi Bledi Çuçi ka kërkuar informacion nga ministri i Drejtësisë në lidhje me transferimin e Erion Veliajt nga burgu i Durrësit drejt IEVP Fier.
Reagimi i Gogut ka qenë se janë duke u kryer të gjitha procedurat dhe verifikimet për rastin konkret, pra të kryebashkiakut të arrestuar të Tiranës, Erion Veliaj, arsyet pse duhej transferuar dhe pse Drejtoria e Përgjithshme e Burgjeve ka vlerësuar se duhet ta çojë në një paraburgim tjetër.
Në këtë moment, Bledi Çuçi është shprehur se meqenëse nuk e ka gati këtë informacion, Gogu duhet të japë dorëheqjen.
Përgjigjja e Gogut ka qenë e qartë, se vendimin për dorëheqjen e merr vetë dhe me kaq është mbyllur diskutimi mes tyre.
Më pas, Grupi Parlamentar i Partisë Socialiste ka marrë vendimin për të shkuar në seancë dhe për të kaluar të gjitha projektligjet e përgatitura për ditën e sotme në Kuvend.
Ky është rasti i parë që një deputet i Partisë Socialiste kërkon dorëheqjen e një ministri.
Lëvizja e Bledi Çuçit, burri i dytë i gruas së tretë të Edi Ramës, vjen pas lëvizjeve të fundit që ka bërë kryeministri, i cili pas dorëheqjeve të ministrave pritet të bëjë ndryshime thelbësore në qeveri.
Tashmë me këtë situatë, ndoshta Çuçi ka ‘treguar dhëmbët’ për të kapur një kockë dhe ka menduar se më e thjeshta do të ishte duke goditur Toni Gogun.
Gjithsesi, nuk njihet ndonjë miqësi e rrallë apo parimore midis Veliajt dhe Çuçit, përveç faktit se Dalina dhe Veliaj janë nga ‘çelësat’ kryesorë të Sorosit në Shqipëri.
