Korçë – Kryebashkiaku Sotiraq Filo priti sot në një takim zyrtar Drejtoreshën Ekzekutive të Dorcas International, znj. Agnes Kroese, si dhe Drejtoreshën e Dorcas Albania, znj. Xheni Prenda.
Gjatë takimit u zhvillua një diskutim i gjerë mbi forcimin e bashkëpunimit afatgjatë mes Bashkisë së Korçës dhe organizatës Dorcas, me fokus jo vetëm në fushën sociale, por edhe në zhvillimin e projekteve të reja që synojnë përmirësimin e jetës së qytetarëve.
Kryebashkiaku Filo u shpreh se partneriteti me Dorcas po vijon të japë rezultate konkrete, ndërsa bashkëpunimi i mëtejshëm pritet të sjellë mbështetje të qëndrueshme për komunitetin korçar.
