Policia e Pogradecit ka ekzekutuar një vendim penal të dhënë nga Gjykata e Shkallës së Parë për Juridiksionin e Përgjithshëm Pogradec, për një shtetas nga Kosova që kishte hyrë në territorin shqiptar në mënyrë të paligjshme. Sipas njoftimit zyrtar, bëhet fjalë për shtetasin B. L., 33 vjeç, banues në Kosovë.
Pas një procedimi të mëparshëm penal, Gjykata e ka dënuar me 10 ditë burg për veprën penale “Kalimi i paligjshëm i kufirit shtetëror”. Policia e Pogradecit, pas verifikimit të vendimit gjyqësor, ka bërë arrestimin dhe shoqërimin e tij në institucionin përkatës.
Ky rast vjen në kuadër të masave të shtuara për kontrollin dhe monitorimin e kufijve shtetërorë, si dhe parandalimin e kalimeve të paligjshme.
