Specialistët e Sektorit të Qarkullimit Rrugor arrestuan në flagrancë shtetasit:
-O. M., 37 vjeç, banues në Fshat Maliq, pasi u kap duke drejtuar automjetin, në gjendje të dehur;
-M. O., 23 vjeç, banues në Athinë, pasi u kap duke drejtur automjetin, pa leje drejtimi;
-A. T., 22 vjeç, banues në Korçë, pasi nuk i është bindur urdhrit të punonjësit të Policisë, për të ndaluar automjetin, të cilin rezultoi se e drejtonte në gjendje të dehur.
Gjithashtu, referuan materialet në Prokurori, ku filloi procedimi penal për shtetasin M. M., 30 vjeç, banues në Maliq, pasi në rrugën “Niko Kovaçi”, Korçë, automjeti që drejtonte është përplasur me automjetin që drejtohej nga shtetasi A. T., 51 vjeç. Si pasojë e përplasjes është dëmtuar lehtë 51-vjeçari dhe 2 pasagjerë në automjet.
Shërbimet e Komisariatit të Policisë Korçë arrestuan në flagrancë shtetasin A. B., 41 vjeç, banues në Korçë, pasi dyshohet se për motive të dobëta ka goditur me mjet prerës, një 48-vjeçar, i cili po merr mjekim në spital dhe është jashtë rrezikut për jetën.
Gjithashtu, referuan materialet në Prokurori, ku filloi procedimi penal për shtetaset A. Sh., 38 vjeçe dhe H. Sh., 35 vjeçe, banuese në Korçe, pasi dyshohet për motive pronësie, kanë fyer dhe shqetësuar nëpërmjet telefonit, babanë e tyre.
Shërbimet e Komisariatit të Policisë Pogradec referuan materialet në Prokurori, ku filloi procedimi penal për 2 shtetas të mitur, pasi dyshohet se kanë dëmtuar disa banka dhe sende, në shkollën 9-vjeçare në fshatin Buzaishtë.
Shërbimet e Komisariatit të Policisë Devoll referuan materialet në Prokurori, ku filloi procedimi penal për shtetasin S. B., 39 vjeç, banues në Bilisht, pasi për motive të dobëta, ka goditur me grushte një 37-vjeçar.
Materialet procedurale iu referuan Prokurorisë pranë Gjykatës së Shkallës së Parë të Juridiksionit të Përgjithshëm Korçë,për veprime të mëtejshme.
