Në një reagim të shpërndarë online, administratorët e faqes pretendojnë se janë vënë në shënjestër nga Kalaja, të cilin e akuzojnë për raportim të qëllimshëm të përmbajtjes së tyre.
TIRANË- Faqja “Lolita” është përballur me një sulm ditët e fundit nga hoxha Ahmed Kalaja, ku i ka mbyllur faqet kryesore në rrjetet sociale. Në një reagim të shpërndarë online, administratorët e faqes pretendojnë se janë vënë në shënjestër nga Kalaja, të cilin e akuzojnë për raportim të qëllimshëm të përmbajtjes së tyre.
Sipas “Lolita”, arsyeja zyrtare e raportimeve lidhet me shkelje të të drejtave të autorit, por ata e konsiderojnë këtë si një pretekst, duke theksuar se pezullimi lidhet me qëndrimet dhe publikimet e tyre. Lolita thekson se raportimi ndaj faqes vjen pas postimit se hoxha Kalaja ka vizituar Erion Veliajn në burg si dhe për një dënim me gjobë nga ana e Gjykatës së Tiranës ndaj Kalasë.
Postimi i Plotë:
Prej ditësh jemi vënë në qendër të sulmeve nga blogeri që part time është hoxhë. Na ka raportuar faqen e madhe në facebook dhe instagramin, të cilat janë të pezulluara për momentin. Pretendon që i kemi shkelur të drejtën e autorit, por në fakt e shqetëson e vërteta. Nuk i del e keqja që kur i thashë se i ka çuar Erion Veliajt hurma në burg dhe që ka patur një çështje me antiterr*rin, për të cilën është dënuar me gjobë nga Gjykata e Tiranës. 7 faqe do t’i hap dhe prapë do e them atë që mendoj, se nuk ma mbyll dot gojën as ti as Erion Veliaj!
