Pogradeci bëhet këtë 16 gusht mikpritës i Maratonës së Notit “Agron Ruvina”, një aktivitet sportiv që sjell në liqenin e Ohrit notarë nga Shqipëria, Kosova, Maqedonia e Veriut dhe Greqia.
Gara zhvillohet në nder të rekordmenit kombëtar pogradecar Agron Ruvina, duke kthyer emrin dhe kontributin e tij në një motivim për brezat e rinj të notarëve.
Maratona do të zhvillohet në dy distanca, 200 metra dhe 1100 metra, ndërsa pjesëmarrësit do të garojnë në kategoritë fëmijë deri në 14 vjeç, notarë profesionistë dhe veteranë.
Aktiviteti nis në orën 09:00 në Sheshin Odeon, me regjistrimin dhe takimin e pjesëmarrësve. Në orën 11:00 nis gara për fëmijët deri në 14 vjeç dhe veteranët, ndërsa në 11:30 startojnë notarët profesionistë. Ceremonia e shpalljes së fituesve dhe ndarjes së çmimeve do të zhvillohet në orën 13:00.
Maratona “Agron Ruvina” synon të promovojë sportin e notit, konkurrencën e ndershme dhe bashkëpunimin sportiv rajonal, duke e kthyer Pogradecin në një pikëtakim për notarë të moshave dhe niveleve të ndryshme.
