Diçka është e sigurt, në të gjitha netët e Festës së Birrës në Korçë nga datat 12-16 Gusht ka arsye për të qënë pjesë e festës.
Padyshim që në këtë 20 vjetor, në festën më të madhe dhe më të vlerësuar në Shqipëri do të marrin pjesë këngëtarët më të mirë si Aurela Gaçe, Dafina Zeqiri, Alban Skënderaj, Luiz Ejlli, Endri dhe Stefi, Anxhela Peristeri, Devis Xherahu, Threedots, Eranda Libohova e shumë këngëtarë të tjerë.
Këtë vit festa do të mbahet tek Poli i Eventeve në Drenovë, shumë afër qytetit, në një zonë ku hapësira do jetë më e gjerë dhe do të evitohen problemet e viteve të kaluara ku për shkak të numrit të lartë të pjesëmarrësve, njerëzit ngjesheshin me njeri tjetrin, këtë vit kushtet do jenë më optimale.
“Media & Production” bashkë me Bashkine e Korçës do të organizojnë edhe autobusë nga qyteti drejt Drenovës, oraret të cilët do të afishohen në faqet zyrtare të Festës së Birrës.
Një nga premtimet e organizatorëve është se këtë përvjetor do të ketë surpriza të mëdha, aq sa Korça do të kthehet jo vetëm në qendrën e festimit në Shqipëri por edhe Ballkan e më gjerë.
Për gjithë skeptikët, vlen të theksohet se kjo është festa me e rëndësishme edhe për turizmin e biznesin lokal, ndaj të gjithë duhet ta mbështesin, të jenë pjesë e festës dhe bëhen pjesë e një prej organizimeve me të mira në juglindje e Shqipëri.
Festa do jetë përsëri falas, ku do të vijojë rregulli i rezervimit, për 8000 lek te reja për tavolinë, e cila nuk është biletë hyrje por garanci për tavolinën e cila kthehet në konsum me birra dhe ushqime.
Shkruar nga Bufiurte.al
