Policia e Maliqit, në bashkëpunim me forcat zjarrfikëse, ka bërë të mundur gjetjen dhe shpëtimin e një personi që ishte rrëzuar nga një shkëmb në Malin e Gopeshit, në Moglicë të Maliqit.
Sipas burimeve, i plagosuri u lokalizua rreth mesnatës me plagë të rënda në trup. Ai u transportua fillimisht me barelë nga terreni i vështirë malor dhe më pas u dërgua për mjekim të specializuar në Spitalin e Traumës në Tiranë.
Mësohet se shtetasi kishte dalë në mal për të mbledhur çaj dhe bimë medicinale, aktivitet që e ushtronte prej vitesh.
