“Kumarxheshë e papërmbajtur”, kreu i PD-së, Sali Berisha ka sulmuar përsëri TV “Top Channel”, kësaj radhë direkt pronaren, Vjollca Hoxha. Pas intervistës së moderatores Grida Duma me ish-drejtoreshën e AKSH-it, Mirlinda Karçanaj, Berisha u ka bërë thirrje qytetarëve të bojkotojnë këtë TV dhe të hedhin poshtë sipas tij, mashtrimet e bëra. Berisha tha se e vërteta duhet të kërkohet në mediet sociale që kanë hedhur meme me montazhe fotosh komike dhe se intervista kishte për qëllim shpërlarjen e gënjeshtrës së kryeministrit se Karçanaj jeton në shtëpi me qira, pretendim që e rrëzoi gjykata me sekuestrimin e disa pronave.
Një tentativë për të mashtruar shqiptarët, për të retushuar krimin dhe mafien”, e konsideron ai intervistën me Karçanajn e cila akuzohet nga SPAK për shpërdorim detyre dhe pjesë të grupit të strukturuar kriminal. Ai e quajti Hoxhën një “kumarxheshë të papërmbajtur”, që grabit miliona para publike sipas tij në në bashkëpunim me kryeministrin Edi Rama, për të mashtruar teleshikuesit e saj.
Berisha nuk la pa koment as moderatoren Grida Duma, edhe pse nu kia përmendi emrin duke e krahasuar situatën me Belinda Ballukun te tuneli i Llogarasë, menjëherë pasi plasi skandali i tenderit. “Në të janë vjedhur me një dorë 50 milionë euro”, tha Berisha i cili ka hedhur akuza direkte për disa media duke nisur me “News 24” për mosbarazim të kohës televizive dhe hapësirën e lënë në favor të Ervin Salianjit, pas pazareve të supozuara të tij me botuesin Irfan Hysenbelliu, “Report Tv” apo edhe së fundmi sërish me “Top Channel”.
