Teksa është lajmëruar se më datën 26 Prill do të mbahen zgjedhjet për drejtimin e degës lokale të PD në Korçë, burime bëjnë me dije se Kryesia e PD ende nuk ka shpallur zyrtarisht emrat e kandidatëve të cilët do të marrin pjesë në këto zgjedhje.
Janë 4 emrat që duan të drejtojnë PD Korçë, të cilët kanë treguar interes për të kandiduar si Edmond Cajku, Hergys Haruni, Irvin Bode dhe Bravaldi Xhafka.
Për këtë të fundit ka një paqartësi, pasi pavarësisht interesit të treguar prej tij dhe pozicionit që mban si sekretar organizativ i PD Korçë, ka dyshime se Kryesia nuk do të votojë emrin e tij si kandidat për shkak se ka qenë pjesë e një takimi të mbajtur nga Ervin Salianji, madje si rrallë herë, ka patur edhe debate në rrjetet sociale lidhur edhe me besimin fetar që i përket Xhafka.
Teksa vetëm 10 ditë kanë ngelur nga mbajtja e zgjedhjeve në PD e Korçës, ende asnjëri prej 4 të interesuarve nuk është zyrtarizuar si kandidat
