Drejtoria Vendore e Policisë Korçë ka vijuar kontrollet dhe veprimet hetimore në disa raste të ndryshme, duke arrestuar dhe proceduar disa shtetas.
Specialistët e Sektorit të Qarkullimit Rrugor arrestuan në flagrancë shtetasin A. T., 25 vjeç, banues në Korçë, pasi u kap në lagjen nr. 5 duke drejtuar automjetin në gjendje të dehur.
Ndërkohë, në lidhje me ngjarjen e raportuar një ditë më parë në fshatin Bulgarec, ku u gjet i pajetë në banesën e tij shtetasi G. (M.) V., 78 vjeç, policia bën me dije se nga këqyrja e trupit janë konstatuar dëmtime në kokë. Grupi hetimor, nën drejtimin e Prokurorisë, po vijon punën intensive për zbardhjen dhe dokumentimin e plotë të rrethanave të kësaj ngjarjeje.
Në një tjetër rast, specialistët për Hetimin e Krimeve të Komisariatit të Policisë Maliq referuan materialet në Prokurori dhe nisën procedim penal për disa shtetas, konkretisht A. I., 36 vjeç; V. I., 39 vjeç; I. M., 60 vjeç; M. T., 43 vjeçe; L. K., 50 vjeçe dhe D. I., 40 vjeçe, banues në fshatin Pojan. Ata dyshohet se, për motive të dobëta, janë konfliktuar fizikisht me njëri-tjetrin.
Gjithashtu, specialistët për Hetimin e Narkotikëve referuan materialet në Prokurori për shtetasin A. M., 18 vjeç, banues në Korçë. Ky i fundit u kap në lagjen nr. 4, duke lëvizur me automjet, ku gjatë kontrollit iu gjet dhe sekuestrua një sasi e vogël lënde e dyshuar narkotike cannabis sativa.
Të gjitha materialet procedurale janë referuar në Prokurorinë e Korçës për veprime të mëtejshme.
