Drejtoria Vendore e Policisë Korçë ka bërë me dije disa raste të evidentuara gjatë 24 orëve të fundit, ku janë ndërmarrë masa ligjore për disa shtetas.
Shërbimet e Sektorit të Qarkullimit Rrugor arrestuan në flagrancë shtetasin E. L., 44 vjeç, banues në Korçë, pasi u kap duke drejtuar automjetin pa leje drejtimi.
Ndërkohë, specialistët për Hetimin e Krimeve në Komisariatin e Policisë Korçë referuan materialet në Prokurori për shtetasin D. A., 34 vjeç, i cili dyshohet se për motive të dobëta ka goditur me grushte një 56-vjeçar, duke i shkaktuar dëmtime të lehta.
Po ashtu, në Pogradec, nisi procedimi penal për shtetasin A. B., 60 vjeç, pasi u konstatua duke kryer punime ndërtimi pa lejen përkatëse.
Në një tjetër rast, më datë 26 mars 2026, shtetasi Gj. B., 60 vjeç, banues në Korçë, ka kallëzuar se në banesën e tij në lagjen nr. 3 i mungonte një shumë parash. Policia po punon për identifikimin dhe kapjen e autorit ose autorëve.
Materialet procedurale i janë referuar Prokurorisë së Korçës për veprime të mëtejshme.
