Drejtoria Vendore e Policisë Korçë njofton për dy ngjarje të rëndësishme që kanë ndodhur në zonën e Pogradecit.
Sektori i Policisë Rrugore ka referuar materialet në Prokurori, ku ka filluar procedimi penal për shtetasit R. Z., 27 vjeç, dhe E. Sh., 58 vjeç, banues në Pogradec. Automjeti me drejtues 27-vjeçarin është përplasur me motomjetin e drejtuesit E. Sh., ku u dëmtuan ky i fundit dhe bashkëshortja e tij, pasagjere në motomjet. Nga verifikimet rezultoi se E. Sh. drejtonte motomjetin në gjendje të dehur. Të dëmtuarit ndodhen në spital, jashtë rrezikut për jetën.
Gjithashtu, specialistët për Hetimin e Krimeve të Komisariatit të Policisë Pogradec referuan materialet në Prokurori për shtetasit Xh. Ç., 45 vjeç, banues në Pogradec, dhe D. P., 56 vjeç, banues në fshatin Leshnicë. Këta shtetas u konstatuan në fshatin Slabinjë duke transportuar dru zjarri me kamionë pa leje. Në cilësinë e provës materiale, u sekuestruan mjetet dhe sasitë e druve.
Materialet procedurale iu referuan Prokurorisë së Korçës për veprime të mëtejshme.
