.
Skuadra e Pogradecit ka siguruar kualifikimin në finalen e Ligës “Gjergj Kastrioti”, pasi ka mposhtur në gjysmëfinale ekipin e Ferizaj me rezultatin e pastër 3-0.
Pogradecarët dominuan takimin që në fillim, duke fituar setin e parë me rezultatin 25-11. Në setin e dytë rivaliteti ishte më i fortë, por Pogradeci ruajti avantazhin duke triumfuar 25-22, ndërsa seti i tretë u mbyll me rezultatin 25-18, duke vulosur fitoren dhe kualifikimin.
Pas suksesit në gjysmëfinale ndaj Ferizajt, skuadra e Pogradecit do të përballet në finalen e madhe me ekipin Fer Volley, në një sfidë që pritet të jetë vendimtare për trofeun e këtij kompeticioni.
