Skënderbeu dhe Apolonia luajtën prej orës 16:30 ndeshjen e vlefshme për javën e 22-të në Kategorinë e Parë. Skënderbeu fitoi në Korçë me rezultatin 3-2, falë tripletës së Saleh Nasr.
Apolonisë nuk i mjafton dy golat e Sulos dhe Topit, që të dilte me pikë nga kjo transfertë. Skënderbeu ndërkohë u kthye te fitorja, pas barazimit me Korabin. Aktualisht mban kreun e tabelës me 3 pikë më tepër se Laçi ndjekës.
Apolonia rrezikon seriozisht mbijetesën. Kjo pasi mban vendin e nëntë, që të dërgon në “play out”.
SKËNDERBEU 3-2 APOLONIA
FORMACIONET ZYRTARE
SKËNDERBEU: Dobjani, Paloka, Nasr, Beshiraj, Gjumsi, Estrela, Vangjeli, Janaqi, Zenullari, Akpama, Abukabar
Trajner: Ernest Gjoka
APOLONIA: Kacaj, Topi, Asllanaj, Folorunsho, Amagba, Amaefula, Sulo, Ndubuisi, Arrojo, Kuvuvor, Hoxhaj
Trajner: Marko Jovanoviç
