Një ngjarje e rëndë është shënuar paraditen e sotme në qytetin e Korçës.
Më datë 15.01.2026, rreth orës 09:10, në lagjen nr. 13, ka rënë zjarr në banesën e shtetases F. P., rreth 73 vjeçe. Si pasojë e asfiksisë nga tymi, e moshuara ka ndërruar jetë.
Menjëherë në vendngjarje kanë mbërritur shërbimet e Policisë dhe të Zjarrfikëses, të cilat po punojnë për shuarjen e plotë të zjarrit dhe sigurimin e zonës.
Grupi hetimor ndodhet në vendngjarje dhe po punon për përcaktimin e shkakut të rënies së zjarrit, si dhe për dokumentimin e plotë të rrethanave të kësaj ngjarjeje.
Materialet procedurale do t’i referohen Prokurorisë për veprime të mëtejshme.
