Akset drejt Kapshticës dhe Bilisht Miras janë të hapura. Në Njësinë Administrative Proger, rruga e fshatrave Rakicë dhe Shyec, si pasojë e reshjeve të borës, është e kalueshme vetëm me përdorimin e zinxhirëve. Sipas informacioneve nga terreni, në kthesën e Zagradecit dhe në disa kthesa të tjera përgjatë këtij aksi, paraqitet nevoja për hedhjen e çakullit, për të garantuar sigurinë e qarkullimit.
Ndërkohë, rruga Stropan–Eçmenik vijon të mbetet e bllokuar për shkak të rrëshqitjes së dheut, duke pamundësuar lëvizjen e mjeteve.
Autoritetet lokale janë në dijeni të situatës dhe po ndjekin nga afër problematikat, ndërsa drejtuesit e mjeteve këshillohen të tregojnë kujdes të shtuar dhe të shmangin lëvizjet e panevojshme në zonat e prekura.
