Para dy muajsh u inaugurua një nga investimet më të rëndësishme infrastrukturore në juglindje të vendit, rruga Maliq – Lozhan, pjesë e aksit nacional Maliq – Gramsh
Por duket se ky aks ka sjellë problemet e para, pasi në afërsi të vendit të quajtur “Tylbja e Goçës” një pjesë e rrugës ka shkarë
Për të paralajmëruar drejtuesit e mjeteve janë vendosur dy tabela të cilat paralajmërojnë per punime në rrugë, edhe pse rrëshqitjet kanë ndodhur para një jave dhe ende nuk është marrë asnjë masë
Të kontaktuar, zyrtare të ARRSH në juglindje pranojnë problematikën ndërsa shprehen se rruga ndodhet ende në fazën e garancisë, ndaj për këtë janë vendosur në kontakt me firmën kontraktore e cila pritet të bëjë ndërhyrjen dhe rehabilitimin e kësaj zone ku rruga ka probleme
