Mokra e Sipërme e Pogradecit është një ndër zonat më të bukura malore të Shqipërisë, e pasur me peizazhe të paprekura, monumente natyrore, vende të shenjta dhe fshatra me histori të thellë. Një nga shtigjet më të rekomandueshëm për çdo vizitor, eksplorues apo turist, është ai që lidh Liqenet e Mujazës – Shën Marenë – Kanionin – Llëngën – Çezmën, një itinerar i plotë që ofron nga pak nga gjithçka.
Ky shteg është ideal për ata që duan të shijojnë natyrën, historinë e zonës, traditat dhe mikpritjen mokrare, duke përjetuar një eksperiencë të paharrueshme.
Çfarë shihni gjatë vizitës?
Gjatë eksplorimit do të keni mundësi të prekni disa prej perlave të rralla të Mokrës së Sipërme:
Liqenet e Mujazës; një kompleks liqenesh malore, të vendosura mes kodrave dhe pyjeve, me ujë të pastër e të ftohtë. Një prej zonave më piktoreske të gjithë krahinës.
;Shpella e Shën Marenës, vend pelegrinazhi dhe legjendash, e rrethuar nga qetësia e natyrës. Shpella është një simbol shpirtëror për banorët e zonës prej shekujsh.
;Kisha dhe Manastiri i Shën Marenës, monument i trashëgimisë sonë, i vendosur mes një panorame të mahnitshme. Vendi ruan historinë e besimit, kulturës dhe traditës mokrare.
Mani shekullor; një prej pemëve më të vjetra të zonës, dëshmitar i historive dhe jetës së dikurshme. Një monument natyre i rrallë.
Kanioni i Llëngës; një mrekulli natyrore me formacione shkëmbore, të përkryer për fotografi, ecje dhe eksplorim.
Fshati Llëngë dhe Çezmë; dy prej fshatrave më të bukur të Mokrës së Sipërme. Rrugicat e gurta, shtëpitë tradicionale dhe ajri i pastër krijojnë një atmosferë unike.
Kisha e Shën Gjergjit në Llëngë; një tjetër monument i rëndësishëm kulturor, i ruajtur me kujdes dhe i vizituar vazhdimisht nga banorët dhe turistët.
Një shteg për të gjithë!
Ky itinerar është i përshtatshëm për ata që duan aventurë, për ecësit e apasionuar, për fotografët, por edhe për familjet që duan të kalojnë një ditë të mbushur me natyrë dhe kulturë.
Mokra e Sipërme është një pasuri e Pogradecit që kemi promovuar dhe vizituar shpesh. Në këtë shteg ju merrni në një udhëtim ku ndërthuren qetësia, bukuria natyrore dhe trashëgimia shekullore.
Nëse keni mundësinë, vizitojeni është një eksperiencë që nuk harrohet!
