RAPORT PËR MEDIAT
Situatat e Shkaktuara nga Rreshjet – Qarku Korçë
Datë: 19 Nëntor 2025 ora 14:15
Gjatë 24 orëve të fundit, rreshjet me intensitet të ndryshueshëm kanë shkaktuar disa problematika në territorin e qarkut Korçë. Prefektura, strukturat vendore, emergjencat civile, OSHEE, ARRSH dhe NJA-të përkatëse vijojnë punën në terren për menaxhimin e situatës dhe normalizimin e saj. Më poshtë përmbledhja e situatave kryesore të evidentuara:
1.Bashkia Pustec
Në segmentin Lajthizë–Liqenas ka pasur dalje uji në rrugë.
Sektori i shërbimeve ka ndërhyrë dhe situata është drejt normalizimit.
2.Bashkia Pogradec
Fshati Gështenjas: Problem me rrjedhjen e ujërave po ndërhyhet nga strukturat.
Bllokim i një kanali kullues kryesor, ku po punohet për orientimin e ujërave të shiut.
Ekipet e OSHEE po punojnë për rregullimin e defekteve në fshatrat Slatinë, Selihtë, Bari i Bardhë, Shpellë dhe Jollë.
3.Bashkia Devoll
Në fshatin Çetë, mbi Miras, në urën e këtij segmenti, strukturat vendore kanë marrë masat për ndalimin e qarkullimit, pasi situata paraqet rrezik për kalimtarët. Aktualisht po vijon vlerësimi i gjendjes nga ekipet përgjegjëse.
Në fshatin Cangonj, për shkak të bllokimit të një tubi, ka prezencë uji në oborret e dy banesave.
Janë marrë masa për largimin e ujit.
4.Bashkia Korçë
Aksi Denas–Lekas është i pakalueshëm për shkak të rritjes së nivelit të ujit në një përrua që nuk ka urë në atë segment.
Në Voskopojë, ujëmbledhësi ka arritur nivele të larta, por po monitorohet dhe po ndërhyhet me mjet fadromë për hapjen e kanalit shkarkues. Situata është drejt normalizimit.
5.Bashkia Kolonjë
Fshati Mesiçkë: Rritje të prurjeve të lumit, rrezikim i urës së fshatit dhe i disa shtyllave të energjisë. Grupet e punës janë në terren.
Fshati Mollas: Rruga ka prezencë uji nga strukturat ne terren po punohet per neutralizimin e plote.
Rezervuari i Rotit (mbi Sofrën Kolonjare) ka arritur afërsisht 20–30 cm nga niveli maksimal jane hapur shkarkuesit po monitorohet.
Janë marrë masa për sigurimin e rezervuarit të vogël të Kodrës.
Grupet e punës të bashkisë janë në terren në fshatrat Starje, Gostivisht, Kodras, Tac Poshte.
Aksi Qafë e Qarrit – Ersekë është i pastruar dhe i kalueshëm.
Në zonën e Shelegurit, prurje të shumta të përroit kanë tejkaluar kapacitetet e urës, situata po monitorohet nga kontraktori dhe inspektorët e DRQL.
6.ARRSH – Situata në akset rrugore
Aksi Ersekë–Leskovik: Kontraktori dhe inspektorët raportojnë situatë të menaxhueshme; ndërhyrjet po vijojnë.
Aksi Maliq–Lozhan, pranë kryqëzimit të fshatit Kolanec: po kryhen punime për sistemimin e ujërave të përroit.
Aksi Qafa e Qarrit–Ersekë (rruga e vjetër): Pastrim i urës nga pemët dhe materialet e sjella nga prurjet.
Strukturat vendore dhe ekipet e emergjencave vijojnë monitorimin dhe ndërhyrjet në të gjitha zonat problematike. Deri në këto momente nuk raportohen situata që paraqesin rrezik të menjëhershëm për jetën, por disa zona kërkojnë ndjekje të vazhdueshme për shkak të prurjeve të larta në lumenj dhe ujëmbledhës.
Për çdo zhvillim të ri, do të ketë njoftime shtesë.
