Nëse besoni se bukuria fillon nga kujdesi i sinqertë ndaj vetes, atëherë Evelin Biocosmetics është vendi ku ky kujdes merr formë. Kjo markë shqiptare, e krijuar me pasion dhe profesionalizëm, bashkon natyrën dhe shkencën për t’i dhuruar lëkurës suaj kujdesin më të pastër dhe efektiv.
Pas kësaj marke që po fiton gjithnjë e më shumë besim në tregun shqiptar qëndron Evelin Prifti, një vajzë e re me vizion të qartë dhe formim shkencor të thellë. E diplomuar në Farmaci dhe Farmaci Industriale, ajo ka zgjedhur të përdorë dijen e saj për të krijuar produkte kozmetike të sigurta, të certifikuara dhe me origjinë natyrale.
Me një përkushtim të rrallë, Evelina i prodhon vetë çdo produkt, duke ndjekur çdo hap të procesit — nga përzgjedhja e përbërësve bio e deri te testimi dhe certifikimi i formulave. Për të, kujdesi ndaj lëkurës nuk është luks, por nevojë që duhet trajtuar me përgjegjësi dhe dashuri.
Evelin Biocosmetics, e themeluar në vitin 2019, ofron një gamë të gjerë produktesh: kremra fytyre, serume, maska, vajra bimore dhe produkte trupi, të cilat ndihmojnë në rigjenerimin, ushqimin dhe mbrojtjen e lëkurës. Përveç produkteve, kompania ofron edhe shërbime profesionale estetike në qendrën e saj moderne në Korçë, ku klientët mund të përfitojnë:
• Konsultime të personalizuara për lëkurën dhe flokët
• Trajtime me mikrodermoabrazion, microneedling dhe radiofrekuencë
• Programe për rigjenerim, anti-age dhe trajtime kundër celulitin
Falë pasionit dhe profesionalizmit të Evelinës, marka është zgjeruar edhe online, duke ofruar mundësi blerjeje për klientë në të gjithë Shqipërinë dhe jashtë saj.
“Qëllimi im ka qenë gjithmonë të krijoj produkte që i besoj vetë, me përbërës të pastër dhe të certifikuar, që i bëjnë mirë lëkurës dhe e mbrojnë atë pa kompromis,” – shprehet Evelina, e cila me përkushtimin e saj ka ndërtuar një emër të besueshëm në fushën e kozmetikës bio shqiptare.
Sot, Evelin Biocosmetics është simbol i kujdesit të natyrshëm, cilësisë shkencore dhe dashurisë për detajin, duke e kthyer rutinën e përditshme të bukurisë në një përvojë të këndshme, të sigurt dhe me rezultate të dukshme.
Evelin Biocosmetics – Kujdes natyral, rezultate që duken dhe ndihen.
