Vërdovë/ Pogradec
Gruaja tenton t’i japë fund jetës, dërgohet në gjendje të rëndë në spital
Një ngjarje e rëndë është shënuar mesditën e sotme në fshatin Vërdovë të Pogradecit, ku një grua dyshohet se ka tentuar t’i japë fund jetës.
Sipas burimeve, shtetasja F.Tahirllari dyshohet se ka konsumuar një sasi medikamentesh, me qëllim vetëhelmimin. Ajo është gjetur në gjendje të rënduar shëndetësore nga një fqinje, e cila ka ndërhyrë menjëherë duke e transportuar drejt spitalit të Pogradecit.
Aktualisht, gruaja ndodhet në repartin e reanimacionit, nën kujdesin intensiv të mjekëve, ku raportohet se gjendja e saj mbetet e rëndë.
Menjëherë pas marrjes së njoftimit nga stafi mjekësor, policia ka shkuar në vendngjarje dhe ka nisur hetimet për sqarimin e plotë të rrethanave dhe motiveve që mund ta kenë shtyrë gruan drejt këtij akti.
Ende nuk dihen shkaqet që çuan në këtë ngjarje të rëndë, ndërsa grupi hetimor vijon punën për zbardhjen e rastit.
