Analisti Arben Meçe, teksa ka komentuar hetimin nga SPAK ndaj zv.kryeministres dhe ministres së Infrastrukturës, Belinda Balluku, është ndalur edhe tek ndërtimi i rrugës Qukës–Qafë Plloçë.
Ai e ka cilësuar projektin e rrugës Qukës–Qafë Plloçë si një nga skandalet më të mëdha ku janë shpenzuar rreth 300 milionë euro, por rruga është jashtë çdo kondicioni për t’u përdorur.
“U bë skandali më i madh, u prodhua një e ashtuquajtur rrugë Qukës-Qafë Plloçë. 300 milionë janë shpenzuar atje dhe përsëri rruga është jashtë çdo kondicioni për t’u përdorur”, tha ai.
Analisti foli edhe për rrugën e Kukësit, për të cilën tha se projekti është i dështuar që në bazë, pasi është ndërtuar në formacione gjeologjike të paqëndrueshme.
Arben Meçe: U bë skandali më i madh, u prodhua një e ashtuquajtur rrugë Qukës-Qafë Plloçë. 300 milionë janë shpenzuar atje dhe përsëri rruga është jashtë çdo kondicioni për tu përdorur.
Po rruga për Kukës, projekti është bërë në 2009 dhe gjitha ajo rrugë ka projekte me projektin dhe jo zbatimit. Ka dalë jashtë çdo parametri për të qenë rrugë e nivelit të lartë, nuk lejon të lëvizësh me 60 në orë, do të thotë të sabotosh rrugën.
Është ndërtuar në formacione gjeologjike plotësisht të shkatërruara, gjithmonë do të jetë në rrënjë shkëmbinjsh dhe shpatesh. Ajo rrugë duhet të kaloj në SPAK, kush ka qenë në qeverisje atëherë.
Rruga Fushe-Krujë- Shkodër i kam thënë është autostrada e vdekjes, e kam ngritur me të madhe që të bëhej ajo rrugë. Kemi një komunitet qe është i palidhur dhe rruga nuk e përballonte.
