shkruan: Ferit Toska
Pas shumë vitesh pritjeje, fshati Fitore (ish-Shënkollas) ka përfituar nga projekti i ujësjellësit të Devollit, duke zgjidhur përfundimisht problemin e furnizimit me ujë të pijshëm.
Fshati ka prej kohësh një çezmë përfaqësuese, e cila u shërben jo vetëm banorëve vendas, por edhe udhëtarëve që përshkojnë rrugën Bilisht-Miras, në krahun e majtë të rrugës, pranë degëzimit të Dobranjit.
Në rrjetin rrugor të Devollit ndodhen edhe dy çezma të tjera me rrjedhje të lirë, një në Cangonj dhe tjetra në Sinicë. Në qendër të fshatit Fitore dikur funksiononte edhe një çezmë tjetër, që e merrte ujin nga Zhukat e Ziçishtit, por sot ajo është e tharë.
Në zonë gjenden disa burime natyrore të njohura, si:
Burimi i xha Dervishit (në rrugën për Ziçisht),
Burimi i xha Enverit (në krye të livadheve të fshatit),
Burimet e Krasatkës,
Burimi i Luadhit të Kalorit (në rrugën për Dobranj).
Përroi kryesor që përshkon fshatin është ai që vjen nga Ziçishti dhe bashkohet me lumin Devoll, ndërsa përrenjtë sezonalë janë: i Livadheve, i Murskës, i Krasatkës dhe i Korijes së Madhe.
