Në kuadër të bashkëpunimit të ngushtë ndërmjet strukturave të Interpol Tiranës dhe Interpol Athinës, është finalizuar ekstradimi nga Greqia drejt Shqipërisë i shtetasit Deni Meçolli, 39 vjeç, banues në Korçë.
Ky shtetas ishte shpallur në kërkim ndërkombëtar, pasi në shkurt të vitit 2025, Gjykata e Korçës i kishte caktuar masën e sigurisë “Arrest në burg” për veprën penale “Vrasja me dashje”.
Sipas hetimeve, më 4 shkurt 2025, në lagjen nr. 2 të qytetit të Korçës, Deni Meçolli dyshohet se ka tentuar të vrasë për motive të dobëta shtetasin E. Sh., 40 vjeç, duke e goditur me thikë në kraharor.
Pas ekstradimit, specialistët e Sektorit për Hetimin e Krimeve të Rënda në DVP Korçë kryen veprimet procedurale për ekzekutimin e vendimit penal.
