Një aksident i rëndë rrugor është regjistruar sot rreth orës 11:30, në aksin kombëtar Bilisht–Kapshticë, vetëm pak kilometra larg pikës kufitare.
Automjeti tip “Benz”, i drejtuar nga shtetasja A. Sh., është përplasur me një kamion, që drejtohej nga shtetasi D. K.. Përplasja ka rezultuar fatale për pasagjeren në automjet, Erjola Sinani 41 vjeçe, e cila ka humbur jetën në vend.
Mësohet se viktima, me origjinë nga fshati Slabinjë i Pogradecit, ishte duke u kthyer nga Greqia në atdhe, por udhëtimi i saj u ndërpre tragjikisht vetëm dy kilometra larg kufirit të Kapshticës.
Në vendngjarje ndodhet grupi hetimor, i cili po punon për zbardhjen e rrethanave të plota të këtij aksidenti.
