Sportdashësit do të kenë një të premte të mbushur me emocione.
Ndërkohë që në Pogradec do të zhvillohet derbi i futbollit mes Skënderbeut dhe Pogradecit, në Korçë do të luhet edhe një tjetër derbi, këtë herë në volejboll për femra.
Java e dytë e Superligës sjell përballjen Skënderbeu–Pogradeci, që do të luhet nesër në orën 18:00 në pallatin e sportit “Tamara Nikolla”.
Skuadra e Pogradecit, si një nga pretendentet kryesore për titull, do të ketë përballë një Skënderbe me shumë talente të reja dhe me mbështetjen e tifozëve vendas.
Ndërkohë, me pogradecaret luajnë disa volejbolliste nga Korça, çka i jep këtij derbi edhe më shumë rivalitet dhe emocion.
Organizatorët presin që pallati i sportit të jetë i mbushur plot, duke garantuar një mbrëmje të zjarrtë volejbolli dhe spektakli sportiv.
