Vajzat liqenore drejt objektivave të mëdha
Pogradeci e nisi me këmbën e mbarë kampionatin kombëtar të volejbollit për femra, duke triumfuar bindshëm në shtëpi me rezultatin e pastër 3–0 ndaj Teutës.
Rezultatet e seteve (25–8, 25–10, 25–16) flasin qartë për epërsinë absolute të vajzave liqenore, të cilat diktuan ritmin dhe lojën në çdo moment të sfidës. Me këtë paraqitje, ato konfirmojnë se janë kandidate serioze për kreun e renditjes këtë sezon.
Sfida e radhës: Në javën e dytë, Pogradeci do të udhëtojë drejt Korçës, ku të premten do të përballet me Skënderbeun. Një përballje që pritet me shumë interes, pasi konsiderohet si një nga ndeshjet më të forta të javës.
