Drejtoria Vendore e Policisë Korçë
Specialistët e Sektorit të Qarkullimit Rrugor arrestuan në flagrancë shtetasin P. Z., 30 vjeç, banues në Korçë, pasi u kap duke drejtuar automjetin në gjendje të dehur.
Shërbimet e Komisariatit të Policisë Korçë referuan materialet në Prokurori, ku filloi procedimi penal për shtetasit:
L. D., 33 vjeç, dhe S. P., 40 vjeçe, banues në Korçë, pasi në ambientet e lokaleve që kanë në administrim, kanë krijuar zhurma duke u bërë shqetësim për banorët;
A. D., 67 vjeç (me probleme të shëndetit mendor), pasi dyshohet se i ka vjedhur një shumë lekësh një 55-vjeçareje;
M. P., 65 vjeçe, banuese në Korçë, pasi dyshohet se i ka shitur nga pakujdesia disa medikamente një 44-vjeçareje;
K. K., 50 vjeç, dhe E. L., 51 vjeç, banues në Korçë, pasi në ambientet e një lokali u kap një kompjuter që shërbente për të vendosur baste sportive.
Specialistët për Hetimin e Krimeve Ekonomike dhe Financiare referuan materialet në Prokurori, ku filloi procedimi penal për shtetasin V. H., 25 vjeç, banues në Korçë, pasi në automjetin që drejtonte u konstatuan 4 goma automjeti pa faturë shoqëruese.
Materialet proceduriale iu referuan Prokurorisë pranë Gjykatës së Shkallës së Parë të Juridiksionit të Përgjithshëm Korçë, për veprime të mëtejshme.
