Sot në Kuvendin e Shqipërisë nisi zyrtarisht sesioni i ri parlamentar. Deputetët e të gjitha forcave politike u rikthyen në sallën plenare pas pushimeve verore, duke hapur një kapitull të ri debati dhe angazhimi politik. Për deputetin e qarkut të Korçës, Bledi Çomo, ky moment është një mundësi për të thelluar punën dhe për të sjellë më shumë vëmendje te Pogradeci dhe e gjithë zona e juglindjes.
🏛🇦🇱”Sot nisi një rrugëtim i ri në sallën e Kuvendit të Shqipërisë. Për mua, ky është një moment për të shtuar më shumë angazhimin, për të dëgjuar më shumë dhe për të kërkuar më shumë për Pogradecin dhe gjithë juglindjen.
Sfidat nuk mungojnë, por vendosmëria ime është që zëri i qytetarëve tanë të jetë gjithmonë i dëgjuar dhe i përfaqësuar me dinjitet.
Me vëmendje të veçantë te investimet, zhvillimi dhe mirëqenia, do të vijoj të punoj fort që Pogradeci dhe rajoni ynë të marrë vlerësimin që meriton.
Na priftë e mbara!”
Përfundon reagimin e tij deputeti Çomo.
