Egnatia rikthehet fuqishëm në merkaton e verës. Rrogozhinasit janë pranë firmave me dy sulmues, pikërisht Çarls Bismark dhe Saleh Nasr.
Të dy lojtarët e Skënderbeut do të përforconin skuadrën e kampionëve të Shqipërisë. Vllaznia do të ngelej “thatë”, pasi prej kohësh e kishte Bismarkun një objektiv kryesor në sulm.
Java e parë e kampionatit përballë Vllaznisë, tregoi se Egnatia ka nevojë për përforcime. Humbja 2 me 0 në “Loro Boriçi” ka bërë që drejtuesit të lëvizin.
Dhe elementët e duhur shikohen te kampi korçar. Skënderbeu në anën tjetër mund të humbasë dy sulmues, që do e ndihmonin shumë në garën për rikthimin mes më të mirëve. Fakt është që këto dy operacione në treg do të mbushnin arkën e bardhekuqve.
