Skuadra e Skënderbeut në volejboll për femra ka prezantuar afrimin më të ri për sezonin 2025–2026, volejbollisten Leticia Oliveira.
Lojtarja e talentuar pritet të sjellë vizion, saktësi dhe lidership në fushë, duke u bërë një element kyç në objektivat e skuadrës për këtë vit. Me aftësinë e saj për të drejtuar lojën dhe për të krijuar mundësi për bashkëlojtaret, Oliveira shihet si një garanci për forcimin e lojës kolektive të Skënderbeut.
Stafi teknik e cilëson afrimin e saj si një hap të rëndësishëm për të rritur nivelin konkurrues të skuadrës, e cila synon një sezon të suksesshëm në kampionat.
