Skuadra e Maliqit ka startuar sot fazën përgatitore për sezonin e ri futbollistik. Nën drejtimin e trajnerit Egli Malesia, në stërvitjen e parë morën pjesë 16 lojtarë, shumica e të cilëve janë pjesë e formacionit nga sezoni i kaluar.
MNga grupi i vjetër u panë emra të tillë si Mucollari, Ibrahim, Mutiu, Demollari, Ndoci, Bregu, Tako dhe Agolli. Me ekipin po stërviten edhe Xaka, tre futbollistë të ardhur nga ekipi U-19 i Skënderbeut, si dhe tre lojtarë të huaj që provojnë për herë të parë fanellën e Maliqit.
Trajneri Malesia bëri me dije se të shtunën, skuadra do të zhvillojë një ndeshje miqësore me Pogradecin, si test i parë në kuadër të përgatitjeve për sezonin e ri.
