Shoqëria Rajonale Ujësjellës Kanalizime Korçë SH.A. njofton se, duke filluar nga data 1 gusht 2025, kanë hyrë në fuqi tarifat e reja të unifikuara për shërbimet ujësjellës kanalizime. Ky ndryshim bazohet në Vendimin e Entit Rregullator të Ujit (ERRU) Nr. 539, datë 30.12.2021 “Për miratimin e metodologjisë dhe procedurës për miratimin e tarifave të shërbimeve ujësjellës–kanalizime”.(https://erru.al/wp-content/uploads/2025/07/Vendimi-UK-Rajonale-Korce-01.07.2025-003.pdf)
Në përputhje me metodologjinë e re të miratuar nga ERRU, Shoqëria Rajonale Ujësjellës Kanalizime Korçë SH.A. ka aplikuar sistemin e tarifave të unifikuara për dy zona: Zona A, që përfshin Njësinë Korçë, me tarifë të pandryshuar prej 72 lek/m³, dhe Zona B, që përfshin zonat rurale të njësisë Korçë dhe Njësitë Devoll, Maliq, Pustec dhe Kolonjë me tarifë prej 50 lek/m³ për ujin e pijshëm.
Ky unifikim tarifor është një hap i rëndësishëm drejt zhvillimit të qëndrueshëm të sektorit dhe reflekton drejtpërdrejt përkushtimin tonë për përmirësimin e shërbimeve, rritjen e investimeve dhe sigurimin e furnizimit të qëndrueshëm me ujë të pijshëm për të gjithë komunitetin.
#ukrk #cdoditepraneqytetareve
