Të mirat që natyra i ofron organizmit tonë janë të shumta, dhe një prej tyre vjen përmes bimës Hipofae, e cila është rikthyer në vëmendje falë punës së specialistit të bimëve mjekësore, Ylli Merja. Në një intervistë në emisionin “Rudina” në Tv Klan, ai tregoi për vlerat e jashtëzakonshme të kësaj bime, e cila rritet në vendin tonë dhe mund të përdoret si një suplement natyral për shëndetin e trurit dhe sistemit nervor.
“Kjo është një bimë shumëvjeçare e cila rritet në vendin tonë falë një mësuesi kimist në Has të Kukësit, i cili ka krijuar atje një kopsht të vërtetë botanik. Më herët kjo bimë ka qenë në zonën e Dardhës së Korçës andej nga Mollasi. Në monizëm është mbjellë për të ruajtur rrënjët nga monizmi që të mos rrëshqisnin, pasur rrënjët i hap në sipërfaqe të tokës dhe e lidh me veten e saj. Rritet në zonat afër lumenjve dhe që janë kryesisht gurishtore. Unë duke kërkuar dhe shfletuar ndër vite për bimë që qetësonin sistemin nervor, që ishin kundër ankthit, stresit e kështu me radhë, bimë që kishin vitaminën C, mes gjithë të tjerave më dilte edhe kjo bimë, Hipofae. Kokrrat e kësaj bime në formë elipsi dhe në ngjyrë nga e verdhë në të kuqërremtë, një komponent kimik i kësaj është betakaroteni. Mund të përdoren edhe gjethet për veti mjekësore, por më shumë përdoren frutat, të cilat mund të jenë ose të freskëta, ose të ruhet e thatë.”
Bima preferon zonat me gurë dhe afër lumenjve, dhe është e pasur me vitaminë C, madje më shumë se speci i kuq. Frutat e saj, në ngjyrë nga e verdhë në të kuqërremtë, përmbajnë betakaroten, vitaminat B1, B2, B3 dhe B6, si dhe acidet yndyrore omega 3, 6, 7 dhe 9, të cilat janë të rëndësishme për funksionin e trurit.
Hipofae mund të konsumohet si frut i freskët, i thatë ose në formë vaji. Sipas Merjes, kjo bimë ka efekte të dukshme në uljen e stresit dhe në rigjenerimin e organeve të brendshme, sidomos në rastet me inflamacion apo dëmtime të brendshme.
“Truri i njeriut ka nevojë për vitaminën B1, B2 dhe B3, këto i japin një qetësi dhe një energji trurit. Acidet omega 3,6,7 edhe 9 janë vërtet ushqyes të trurit, i japin atij energji, por balancojnë dhe nxitin frenimin. Pastrojnë të gjitha arteriet nga brenda dhe u japin arterieve elasticitet, kështu që ne nëse përdorim këtë bimë përmirësojmë më mirë qarkullimin e gjakut. Kjo bimë në mjekësinë popullore mund të përdoret si suplement ushqimor, ose si fruta të thara totalisht, ose në formën e vajit. Ka efekte gjithashtu tek stresi, përqendrimi, sepse nëse ushqehen mirë zonat e trurit. Nëse shkon gjaku në mënyrë të shëndetshme e pasuruar me këto vitaminat dhe me mineralet që ka bima, janë mikroelemente shumë të rëndësishëm jo vetëm për trurin, por edhe për muskujt, apo për të rigjeneruar organet e brendshme sidomos nëse ato kanë një inflamacion apo gërryerje e kështu me radhë. Është një lloj qetësuesi natyral, i shëndetshëm, dhe nuk ka efekte anësore
