Volejbollistja e njohur Anxhela Mehmeti ka marrë një vendim befasues, duke lënë ekipin e Skënderbeut për t’iu bashkuar skuadrës së Pogradecit.
Transferimi ka ngjallur interes në qarqet sportive, pasi Mehmeti ka qenë një nga lojtarët e dalluara në formacionin korçar. Lidhur me këtë hap, vetë sportistja është shprehur:
> “Zgjodha Pogradecin për arsye personale. Gjithashtu më bindi projekti i klubit. Shpresoj që të paraqitem mirë dhe pas 1 ose 2 vitesh të luaj jashtë Shqipërisë.”
Burime pranë klubit pogradecar bëjnë me dije se afrimi i Anxhelës është pjesë e një projekti afatmesëm për të forcuar ekipin dhe për ta bërë konkurrues në kampionat.
Mehmeti pritet të jetë një nga lideret e skuadrës liqenore dhe një shembull për të rejat. Pogradeci duket se nuk po kursen asnjë përpjekje për të ngritur nivelin e volejbollit në qytet.
