Është mbajtur edicioni i 7 i Festivalit “Shpirti i Ballkanit” në Korçë ku grupe të ndryshme ballkanike kanë parakaluar në rrugët kryesore të qytetit e më pas kanë performuar vallet e tyre karakteristike.
Blerta Belliu, organizatore e këtij festivali tregon se ndryshe nga herët e kaluara, këtë herë pjesë e festivalit është bërë dhe muzika jazz.
Grupet që vijnë nga Ballkani tregojnë se kostumet dhe muzika ndryshojne nga vendi në vend, ndërsa këtë vit pjesë është bërë dhe grupi nga Franca.
“Vijmë nga Franca. Në fakt ne nuk jemi ballkanistë por një qytet në Ballkan është totalisht frankofon si Korça. Ne e duam këtë vend, jemi si në shtëpinë tonë dhe kemi ardhur me një grup nga zona jonë për të sjellë kostumet tradicionale dhe këngët tona tipike”- u shpreh një turist francez.
“kemi sjellë kostumet kombëtare dhe dy valle tonat. Ky është kostumi jonë, ne me krenari themi se është kostumi me I bukur në Ballkan. Kostumet në rajon nuk janë të njëjtat por muzika po,”- tha vajza nga Mali i Zi.
“SHPIRTI I BALLKANIT tregon diçka që shpesh keqkuptohet, dashurinë që ne kemi për njeri tjetrin. Ky festival na ben bashkë çdo vit dhe ne vijmë plot qejf. Unë mendoj se kostumet janë pothuajse të ngjashme njësoj e këngët tradicionale”- tha turisti maqedonas.
Kostumet nuk i kanë shijuar jo vetëm qytetarët e Korçës por e turistët e shumtë që kanë zgjedhur juglindjen për të pushuar.
“Është hera e tretë që vij në Shqipëri. Që herën e parë jam mahnitur me mikpritjen e njerëzve ndaj e vij. Turizmi ka ndryshuar. Gjërat shihen lehtë sot por kjo mikpritje është e rrallë ndaj vij. Dhe ku mund të shohësh kaq kostume të bukura shumëngjyrëshe diku tjetër përveçse në Korçë?”– tha turisti austriak.
“Korça është interesante sepse ka modernizem ka e tradicionalizem. U suprizuam me këtë event kpstumesh, vajzat janë kaq të bukura, kostumi shqiptar duket shumë i bukur “, – u shpreh turistja amerikane.
Operatorët turistike tregojnë se këtë vit numri i vizitorëve është më i lartë se viti i kaluar, ndaj e për këtë bashkia e këtij qyteti ka planifikuar një kalendar të ngjeshur artistik gjatë sezonit veror.
