Korçë, 14 maj 2025 – Një 71-vjeçar është gjetur pa shenja jete në arat e fshatit Kamenicë, në afërsi të banesës së tij. Viktima, shtetasi L. G., ishte shpallur i humbur nga familjarët që prej datës 12 maj.
Sipas njoftimit zyrtar nga Policia e Korçës, trupi i pajetë është zbuluar nga të afërmit, ndërsa nga veprimet e para hetimore rezulton se nuk ka shenja dhune dhe dyshohet se i moshuari ka humbur jetën për shkaqe natyrale.
Njoftimi i policisë;
Më datë 14.05.2025, në arat e fshatit Kamenicë, është gjetur nga familjarët, pa shenja jete dhe pa shenja dhune, shtetasi L. G., 71 vjeç, i cili sipas kallëzimit të bashkëshortes së tij, ishte larguar nga banesa, më datë 12.05.2025. Nga veprimet e para hetimore dyshohet se ky shtetas ka humbur jetën për shkaqe natyrale.
Materialet procedurale i kaluan Prokurorisë pranë Gjykatës së Shkallës së Parë të Juridiksionit të Përgjithshëm Korçë, për veprime të mëtejshme.
