Ngjarja mësohet se ka ndodhur në banesë, për motive të dobëta, ku njëri prej vëllezërve ka goditur me sëpatë vëllain e tij.
Pas ngjarjes, autori është larguar nga banesa, por është kapur pak minuta më pas nga forcat e Komisariatit të Policisë Korçë.
I plagosuri është transportuar në spitalin e qytetit, ku po merr ndihmën mjekësore. Ai ka marrë një plagë në shpatull dhe, fatmirësisht, ndodhet jashtë rrezikut për jetën.
Ndërkohë, autori është shoqëruar në komisariat, ku po kryhen veprimet e mëtejshme për zbardhjen e plotë të rrethanave të ngjarjes.
