Lëvizje në radhët drejtuese të Policisë së Shtetit. Gëzim Zhupaj, i cili prej rreth dy vitesh drejtonte Drejtorinë e Kufirit dhe Migracionit në Korçë, është transferuar në Drejtorinë e Përgjithshme të Policisë së Shtetit.
Sipas informacioneve, Zhupaj pritet të marrë detyrën e shefit të sektorit në strukturat qendrore të Policisë.
Në vendin e tij në Korçë është emëruar Luigj Vathi, i cili më herët ka drejtuar Drejtorinë Vendore të Policisë Berat.
Ndryshimet në strukturat drejtuese të Policisë së Shtetit nuk janë kufizuar vetëm në Korçë. Mësohet se lëvizje dhe emërime të reja janë bërë edhe në qarqe të tjera të vendit.
Ndryshimet pritet të zyrtarizohen në vijim.
