Prej datës 1 Prill të gjithë shtetasit shqiptarë që udhëtojnë drejt Maqedonisë së Veriut e paguajnë siguracionin vjetor vetëm 50 € nga 300 që ishte. Një lehtësirë kjo që jo vetëm ka shtuar numrin e lëvizjeve në këtë pikë kalimi kufitar por ka rritur edhe gati 40% blerjet e primeve të sigurimit në radhët e qytetarëve. Këta të fundit shprehen si një ulje e tillë e çmimit është diçka shumë e mirë, por që vlen vetëm për Maqedoninë dhe jo për vendet e tjera të BE.
Policia kufitare në Qafë Thanë bën me dije se vetëm gjatë muajit Prill dhe Maj ka një rritje të fluksit me 15-20%. Shumica e atyre që hyjnë janë për punë në ndërtim, blerje ushqimesh dhe pushim fundjave.
Sipas të dhënave në Qafë Thanë prej datës 3 prill deri në 30 prill kan hyrë dhe dalë 177 mijë e 984 shtetas. Ndërkohë një tjetër lehtësirë që pritet të aplikohet gjatë verës është edhe kontrolli doganor vetëm 1 herë nga pala pritëse, si në hyrje dhe në dalje
