Shkruan Ledian Zeqollari:
“Pushtimi i Pogradecit, realizuar prej një sulmi të befasishëm, nënkuptonte për ushtrinë tonë të Orientit një sukses të madh të pakontestueshëm.
Ky qytet shqiptar, shumë i rëndësishëm, me një pozitë të admirueshme në rrëzë të maleve të zhveshur, të cilët rrethojnë bregun jugperëndimor të liqenit të Ohrit, mbrohej seriozisht nga armiku. Ky i fundit nuk dorëzohej lehtë për të braktisur këtë qendër tregëtare dhe popullin e mirë, të cilëve ngrehinat dhe manastiret e shumtë iu jepnin aq shumë karakter.
Le të kujtojmë që trupat tona, ka shumë të ngjarë rusët, të kishin zmbrapsur armikun pothuajse 4 km në veri të Pogradecit, gjë e cila është e mrekullueshme duke patur parasysh vështirësinë e terrenit dhe forcën mbrojtese.”
Në figurën 1) Publikimi i lajmit të pushtimit të Pogradecit nga ushtria franceze në gazetën “L’Intransigeant” 13 shtator 1917.
Në figurën 2) Foto e rrallë e ceremonisë së dekorimit të oficerëve francezë në Pogradec, viti 1918. Fotoja është pjesë e librit “Ushtria e Lindjes nga Dardanelet deri në Danub” e realizuar nga fotografi francez Fernand Detaille (1875-1954), i cili mbuloi konfliktin e Frontit Lindor nga beteja e Dardaneleve deri në përfundim të Luftës së Parë Botërore.
