Një ngjarje e rëndë është regjistruar mbrëmjen e sotme në Korçë, ku një i moshuar është gjetur i pajetë në banesën e tij.
Sipas informacioneve paraprake, rreth orës 18:50, në lagjen nr. 10, është konstatuar trupi i pajetë i shtetasit N. K., rreth 70 vjeç, i cili jetonte i vetëm. Në trupin e viktimës nuk janë gjetur shenja dhune.
Dyshohet se i moshuari kishte ndërruar jetë prej disa ditësh, ndërsa policia dhe grupi hetimor ndodhen në vendngjarje për të sqaruar rrethanat.
Autoritetet po vijojnë hetimet për përcaktimin e shkakut të vdekjes dhe dokumentimin e plotë të rastit.
Njoftimi i policisë;
Rreth orës 18:50, në lagjen nr. 10, është gjetur pa shenja jete dhe pa shenja dhune, në banesën ku jetonte vetëm, shtetasi N. K., rreth 70 vjeç.
Nga veprimet e para hetimore, dyshohet se ky shtetas ka humbur jetën disa ditë më parë.
Grupi hetimor ndodhet në vendngjarje dhe po punon për përcaktimin e shkakut të humbjes së jetës dhe dokumentimin e plotë të rrethanave të rastit.
