Specialistët për Hetimin e Krimeve të Komisariatit të Policisë Korçë referuan materialet në Prokurori dhe nisi procedimi penal për shtetasin E. A., 23 vjeç, banues në Korçë, i cili dyshohet se për motive të dobëta ka goditur një 27-vjeçar.
Po ashtu, specialistët për Hetimin e Krimeve të Komisariatit të Policisë Pogradec nisën procedim penal për shtetasen E. V., 35 vjeçe, banuese në Pogradec, pasi dyshohet se ka ushtruar dhunë ndaj bashkëshortit të saj.
Ndërkohë, specialistët e Komisariatit të Policisë Kolonjë referuan materialet në Prokurori për shtetasit K. S., 64 vjeç, banues në Ersekë, dhe Y. R., 54 vjeç, banues në fshatin Shtikë, të cilët dyshohet se janë konfliktuar fizikisht me njëri-tjetrin për motive pronësie. Gjatë kontrolleve në një stallë në pronësi të shtetasit Y. R., u gjet dhe u sekuestrua një armë gjahu që mbahej pa leje.
Materialet procedurale i kaluan Prokurorisë së Korçës për veprime të mëtejshme.
