Pas dëmeve të shkaktuara nga reshjet e fundit të shiut, vijojnë punimet për sistemimin e rrugëve në njësinë administrative Trebinjë.
Strukturat përgjegjëse me bashkëpunimin edhe të kompanive private janë angazhuara çdo ditë në terren për përmirësimin e aksesit rrugor dhe rikthimin e qarkullimit normal në zonat e prekura.
Aktualisht, ndërhyrjet janë përqendruar në rrugët e Kalivaç- Dunicë e cila po çakullohet për të forcuar trupin e rrugës, rrugën e Çezmës dhe Osnat-Niçë n ëGorë, zona ku janë evidentuar dëmtime të konsiderueshme si pasojë e shirave intensivë.
Punimet synojnë stabilizimin e trupit të rrugës dhe garantimin e lëvizjes së sigurt për banorët dhe mjetet.
Bashkia Pogradec bën me dije se puna do të vijojë edhe në ditët në vijim, deri në përmirësimin e plotë të infrastrukturës rrugore në të gjithë njësinë administrative.
