Specialistët për Hetimin e Krimeve të Komisariatit të Policisë Pogradec referuan materialet në Prokurori, ku nisi procedimi penal ndaj shtetasit A. P., 54 vjeç, banues në fshatin Radokal i Sipërm, Pogradec, për veprat penale “Prishja e qetësisë publike” dhe “Shkelja e karantinës së bimëve dhe kafshëve”.
Sipas Policisë, ky shtetas, gjatë ditës së djeshme, në fshatin ku banon, ka gjuajtur shpendë me armë gjahu, të cilën e posedonte me leje. Në cilësinë e provës materiale, arma e gjahut u sekuestrua.
Materialet procedurale i kaluan Prokurorisë pranë Gjykatës së Shkallës së Parë të Juridiksionit të Përgjithshëm Korçë për veprime të mëtejshme.
