IEVP Pojksë në bashkëpunim me SHKBSH organizuan aktivitetin “ 1 Qershorit”.
Ky aktivitet mblodhi bashkë nënat dhe fëmijët në një atmosferë të mbushur me dashuri, këngë, lojëra dhe dhurata të vogla që simbolizonin kujdesin dhe ngrohtësinë e shpirtit njerëzor. Ishte një ditë ku sytë e fëmijëve shkëlqyen nga gëzimi, dhe zemrat e nënave u mbushën me mall dhe përkujdesje.
Për gratë që vuajnë dënimin, kjo ishte një mundësi për të ndarë emocione të forta me fëmijët e tyre, duke u ndjerë për pak çaste më pranë tyre, për të ndërtuar kujtime të vlefshme dhe për të forcuar lidhjen e pandashme mes nënës dhe fëmijës.
Në Ditën Ndërkombëtare të Fëmijëve, Institucioni për Ekzekutimin e Vendimeve Penale Pojske, në bashkëpunim me SHKBSH-ne organizoi një aktivitet të veçantë dhe plot emocion, duke u përpjekur të sjellë gëzim dhe shpresë në jetën e grave të në konflikt me ligjin I dhe fëmijëve të tyre.
Fëmijët janë buzëqeshja e jetës, drita e syve tanë, shpresa e çdo të ardhmeje. Çdo e qeshur e tyre është një premtim për një botë më të mirë, më të drejtë dhe më të dashur.
Për gratë që vuajnë dënimin, kjo ishte një mundësi për të ndarë emocione të forta me fëmijët e tyre, duke u ndjerë për pak çaste më pranë tyre, për të ndërtuar kujtime të vlefshme dhe për të forcuar lidhjen e pandashme mes nënës dhe fëmijës.
Kjo ditë nuk është vetëm festë, por edhe një kujtesë për të gjithë ne: të mbrojmë të drejtat e fëmijëve, të sigurojmë arsim cilësor, dashuri, kujdes dhe një mjedis të sigurt për t’u rritur.
Të dashur fëmijë, ju jeni të veçantë, të dashur dhe të fortë. Ëndrrat tuaja kanë vlerë. Mos reshtni së ëndërruari dhe së besuari në vetvete, sepse bota ju pret me krahë hapur.
Gëzuar 1 Qershorin! Uroj që çdo ditë e jetës tuaj të jetë plot ngjyra, lojëra, të qeshura dhe dashuri
