Pas Vlorës, kryeministri Edi Rama është ndalur këtë të martë në Fier në një takim me drejtues vendorë dhe deputetë të qarkut, në kuadër të iniciativës kombëtare për lirimin e hapësirave publike.
Kreu i qeverisë u ka kërkuar dorëheqjen të gjithë drejtorëve lokalë e rajonalë. A2 CNN mëson se dorëheqja e tyre do të bëhet në grup, por jo të gjithë do të shkarkohen, pasi kjo do të varet nga performanca e tyre në punë.
Gjithashtu mësohet se kryeministri Rama ka folur me tone të ashpra për zaptimin e hapësirave publike, pastërtinë e qytetit që sipas tij, lë shumë për të dëshiruar dhe mosrespektimin e qytetarëve.
Ata na kanë vlerësuar me votë, ka thënë Rama, ndaj ky besim duhet përkthyer në respekt ndaj tyre.
Rama ka qenë i shoqëruar nga zv/kryeministrja, njëherësh drejtuesja politike e qarkut, Belinda Balluku dhe kryebashkiaku i Fierit Armando Subashi
