Për herë të parë, publiku ka mundësi të shohë ikonën e Shën Marisë, një nga veprat më të rralla të artit ikonografik shqiptar, qe i kerket kishën e Mborjes — një kishë që nuk ekziston me, por që ruan pasuri të jashtëzakonshme.
Restauratori i njohur Genti Proko thotë se kjo ikonë është realizuar në fund të shekullit XIV dhe fillim të shekullit XVI, dhe ka një veçanti të rrallë: është e pikturuar nga të dy anët.
Në njërën anë paraqitet Shën Maria e tipit Hodigitria, ndërsa në anën tjetër – skena e Kryqëzimit.
Sinkron – Genti Proko restaurator
“Kjo ikonë përfaqëson një punim të rrallë për nga teknika, koha dhe përmbajtja. Dyfaqësia e saj tregon për përdorim liturgjik të veçantë dhe na lidh me një etapë të hershme të ikonografisë sonë.”
Sinkron; Genti Proko restaurator
Ndërkohë, një tjetër ikonë e rëndësishme, ajo e “Joanit Pagëzorit”, ka përfunduar restaurimin pas disa muajsh pune intensive në laboratorin e Konservimit dhe Restaurimit, pranë Muzeut Kombëtar të Artit Mesjetar në Korçë.
Drejtorja e muzeut, Marjana Lara, thotë se kjo vepër e vitit 1860 ka një veçori të rrallë — skena e lindjes së Joan Pagëzorit, e paraqitur në miniaturë, gjë e pazakontë në ikonografi.
Sinkron – Marjana Lara drejtore e muzeut
“Ikona kishte pësuar dëmtime serioze në të gjitha komponentët e saj, por tashmë ajo është restauruar dhe e gatshme për t’u ekspozuar. Është një pasuri që meriton të shihet nga publiku.”
Sinkron
Muzeu i Artit Mesjetar, në një qasje të re ndaj publikut, shfaq herë pas here ikona të paekspozuara më parë, si për turistët vendas, ashtu edhe për ata të huaj.
